الوصفة اللي نفعاتني و طبيعية

 ننقل هنا تجربة الأخت مروة المغربية

مكونات الوصفة

 الصوجة الجنجلان ايلان الكاوكاو اللوز الحمص النافع حبت حلاوة زريعت الفصة حب الرشاد اركل ثلات نقاطفوق الكاف تازيوت شوية المساخن التمر المعسل سكودي الفوة توسرغينت غرين الجدي البكبوكة الحلبة زريعت الشمندر الزبيب قرعة الشكلاط حك نستلي بكية ماروخة العسل لمهم هادو هما المقادير الا شفت شي تجوب منكم راه غادي نوريكم طريقة بتفاصيل راه نتيجة كتبان في 15 يوم . كينة لغادي تدخل تقرا وتقول وصافي اش غيدير ليا هاد شي هاد شي لقول حتى انا ملي صيبتهم ولكن والله الا كيغلضو و يلا بغيتو تبداو هاد الوصفة خصكوم لي فيها الحنيشات تدويهم هما لاولين لانهم مكيخلونا نستفدو من الاكل لي كنكلوه 

كنشريو 3دراهم من كل حاجة او لبغيتي كل واحد وجهدو 3دراهم صوجة و ايلان جنجلان نافع اللوز الكاوكاو الحمص 2دراهم حب الرشاد 1درهم حب حلاوة 2دراهم زريعت الفصة قوليها لعطار وراه هو عرفها 2دراهم زريعت الشمندر 2دراهم اركل ثلات نقاط فوق الكاف 2دراهم من المساخن والحلبة مطحونة غير نصف كاس الا بغيتيها اما تازيوت هو اسم بالشلحة هو يشبه شانوج ولكن لونه باهت نتما سولو عليه العطار الا عرفو انا عطاطني واحد شلحة كنعرفها شوية 5دراهم سكودي ثلات نقاط فوق الكاف كتشريه وتقشريه مثل لبطاطا وتقطعيه طريفات وتحطيه فالشمس حتى يبس ودقيه فالمهراز 2دراهم بكبوكة تمسح من التراب و تيبس و تدق 2درهم توسرغينت لكتكال ماشي تع البخور تيبس وتدق و2دراهم غرين الجدي يمسح من التراب وتيبس ويدق 2دراهم الفوة مطحونة راه العطارا عرفين العشوب غير عطيهم الاسم

الحمص والكاوكاو شريه من عند صحاب زريعة. ورابعة زبيب وحك نستلي تمنه 15درهم وقرعة الشكلاط تمنه 18درهم ماروخا 7دراهم و جنجلان غسليه وسقطريه وحمريه في كسرونة على نار قليلة وصوجة وايلان اللوز وزريعت الفصة وزريعت الشمندر حمريهم فالفران نار قليلة ورد بالك ليتحرقو وطحني ودقي وغربلي حتى يصير الكل مثل الدقيق


اخد حك نستلي نوضع في كوكوت و نغطيه بالماء ونقفل كوكوت ونخليها تسفر ساعة الا ربع ومن بعد نخرج الحك ونخليه يبرد ونفتحو ونسكبه في كسرونة و حداري من الحافة ديال الحك راه حاده مثل سكين لمهم نخوي عليه القرعة تع الشكلاط ونقطع ماروخة فوقهم وناخد كسرونة كبر منها وندير فيها الماء ونوضعها فوق نار ونوضع فوقها الكسرونة لي فيها الخليط على شكل (حمام مريم) ونحرك حتى يدوب الكل وينسجم ونكن من قبل طحنت كلشي القوام و غربلتو 2المرات باش الكل يتخلاط مع بعضو الا كان عندك تمر معسل فوريه والا كان تمر ناشف غير قطعيه مربعات صغار بلاما تفوريه و نغسل الزبيب و نسقطره واللوز مانطحنوه غير مهرمش فقط وناخد بانيو كبير ونوضع فيه الزبيب والتمر سواءكان مفور او مقطع ونخوي شوية من القوام المطحون ونسكب شكلاط و نستلي المدوبين وكفما يقولو زيد الماء زيد الدقيق حتى يتجمع الخليط ويولي ختر والا كان قاسح بزاف نزيد العسل ونسكبهم في قراعي نبدا ناكل 5ملاعق على ريق و5 في اليل او الا درتي القوام كثير بزاف دوري دورة و كولي راه المداق ديال الشكلاط ونستلي كيغلب على مداق اديال الحلبة وحب الرشاد وزريعت الفصة راه هاد الوكونات لي كتبت ليكم كلهم كيسمنو و يلا قلبتو في غوغل غدي تلقاو اني على حق اما حك نستلي فيحتوي على 1272سعرا ت حرارية كاين لغادي يقول علاش مكتبت الكركاع وزريعت الكتان وشانوج لانهم كيحرقو الدهون و حنىبغينا نزيدو شوية الشحمة في الجسم المهم انا درت جهدي وكتبت ليكم طريقة بالتفصيل ونتوما توكل على الله وجربوها و متنسوني بشي دعيوة زوينة و بقاو كولو بزاف الماكلة و تكون منوعة بزز وخا مابغيين راه هكداك كون نكول حتى نبغي نتقيى و ناكل 3البنانات فالنهار والموناضة و الروز طايب فالماء و الملح بحال العصيدة وندير معاه العسل والزبدة و الدرة اما دشيشة او فشار وكولي ليلقتي ماتقوليش ( لا ) وزني اولا قبل ماتبداي باش تعرفي الا زاد فيك شي كيلوات من بعد و الله يغلض الجميع على قد نفع الا مفهمتو شيحاجة انا موجودة .

غرين الجدي فهوا عواد بيضين تشمسيهم و دقيهم